मेरो सानो खरायो

मेरो सानो खरायो   - कल्पना प्रधान

मेरो सानो खरायो आज कता हरायो। हिजो सँगै खेलेथ्यौँ घर भित्रै भुलेथ्यौँ को पहिला पुग्ने हो भन्दै हामी कुदेथ्यौँ। मेरो सानो खरायो आज कता हरायो। खोज्दा खोज्दै दिन बित्यो डुब्न लाग्यो घाम कसले देला बुबु उसलाई कसले देला माम। मेरो सानो खरायो आज कता हरायो। चिथोर्छ कि बिरालाले गर्छ म्याउँ-म्याउँ खोजी गर्न लौन आमा हामी सँगै जाऔँ। मेरो सानो खरायो आज कता हरायो। खाटमुनि लुक्यो कि आँगनीमा पुग्यो कि भालु आई चोरेर जङ्गलतिर लग्यो कि मेरो सानो खरायो आज कता हरायो।